JAMAL MUSIALA AKATAA OFA MPYA YA KUSAINI MKATABA NA BAYERN MUNICH
Inaelezwa kiungo wa Bayern Munich, Jamal Musiala amekataa ofa ya kusaini mkataba mpya aliyowekewa mezani na mabosi wa Bayern akidaiwa kutaka kuondoka mwisho wa msimu huu ambapo Manchester City na Liverpool zinadaiwa kumhitaji.
Kwa mujibu wa tovuti ya Daily Star, Manchester City na Liverpool, zote zimekuwa zikituma maskauti kwenda Ujerumani kwa ajili ya kumtazama staa huyu na hivi karibuni walikuwepo kwenye mchezo dhidi ya Bayer Leverkusen
Inaelezwa Bayern imeweka mezani ofa ya Pauni 150,000 kwa wiki lakini staa huyu amewaambia kwamba hatosaini kwa sababu anafikiria kuondoka mwisho wa msimu. Man City na Liverpool zinaripotiwa kuwa sehemu ya staa huyo kukataa ofa hiyo na Man City ndio inaonekana kuwa na nafasi kubwa zaidi ya kumsajili staa huyu alicheza mechi 25 akiwa na Bayern msimu huu.
Chelsea pia ni moja ya timu zinazodaiwa kumhitaji na huenda ikaingia kwenye vita kwenye wiki chache zijazo. Mkataba wake unamalizika mwaka 2026.
You Might Also Like
-
Habari ya kuuzwa kwa Branthwaite inaonekana itakuwa nzuri kwa Manchester United ambayo imeanza kuiwania huduma ya fundi huyu kwa muda mrefu.
-
wachezaji wote wako katika ari kubwa kwa ajili ya mchezo wao wa nusu fainali ya Ngao ya Jamii dhidi ya Azam FC
