BEKI WA KLABU YA LILLE LENY YORO ASHIKILIA MSIMAMO WAKE WA KUJIUNGA NA REAL MADRID
BEKI kisiki wa Lille Leny Yoro, 18, ameendelea kushikilia msimamo wake wa kutaka kujiunga na Real Madrid kama ndio kipaumbele chake licha ya uwepo wa vigogo wengine wanaohitaji huduma yake.
Yoro ni mmoja kati ya mabeki walioonyesha kiwango bora katika kikosi cha Lille na Ligi Kuu Ufaransa kwa msimu uliopita.
Mbali ya Madrid ambayo anatamani sana kujiunga nayo saini yake pia inawindwa na Liverpool na Manchester United.
Yoro amewaambia watu wake wa karibu kwamba anahitaji kujiunga na Madrid kwa sababu ndoto yake ni kuchukua mataji makubwa ambapo haoni kama itatimia kama akitua kwenye hizo timu nyingine zinazomhitaji.
Hadi sasa bado kuna mazungumzo yanaendelea baina ya wawakilishi wa beki huyu na mabosi wa Madrid juu ya uwezekano wa dili hili kukamilika.
Mkataba wa Yoro mwenye umri wa miaka 18, unatarajiwa kumalizika mwaka 2025.
Msimu uliomalizika alicheza mechi 44 za michuano yote na kufunga mabao matatu.
You Might Also Like
-
Mkataba huo wa Barca unaonyesha kwamba inahitajika Euro 1 bilioni ili kuuvunja mkataba wa Yamal, pesa ambayo inaonekana kuwa ngumu kutolewa na timu yoyote kutokana na sheria za usawa wa matumizi ya pesa
-
Awali mchezaji huyo raia wa Zambia alifungua kesi FIFA dhidi ya klabu hiyo ya Ligi Kuu ya NBC
