TV3 Tanzania - Game On

Licha ya kubakiza miaka mitatu kwenye mkataba wake na Manchester United, Rashford (27) anaonekana kutokuwa na mustakabali wowote Old Trafford. Badala yake, anajikita kutengeneza athari kubwa Camp Nou – klabu aliyosema siku zote ni ndoto yake kuchezea.

Barça wameridhishwa na namna Rashford amezoea maisha ya klabu na jiji, huku akikaribishwa vyema na wachezaji, benchi la ufundi na mashabiki. Ingawa aliwahi kupewa onyo na kocha Hansi Flick kwa kuchelewa dakika mbili kwenye kikao, tukio hilo limechukuliwa kama jambo dogo linaloendana na nidhamu ya kawaida ndani ya kikosi.

Rashford amekuwa moto uwanjani, akifunga mabao mawili na kutoa asisti mbili katika michezo mitatu ya hivi karibuni – ikiwemo mabao muhimu dhidi ya Newcastle kwenye Ligi ya Mabingwa na mchango mkubwa kwenye ushindi mnono dhidi ya Valencia.

Chaguo la kununua: Mkataba wa mkopo unajumuisha kipengele cha kumnunua kwa £26.2m (€30m), hivyo hakuna tofauti ya thamani kati ya United na Barcelona.

Barcelona kwa sasa wanalipa mshahara wake mzima, na kumfanya kuwa mmoja wa wachezaji wanaolipwa zaidi nchini Hispania. Kuweka mikakati ya muda mrefu kutategemea kanuni za matumizi ya fedha za LaLiga na changamoto za kifedha za klabu.

Lewandowski: Umri wa miaka 37 wa mshambuliaji huyo wa Poland na mkataba wake kuisha mwishoni mwa msimu pia utahusishwa kwenye maamuzi ya kumchukua Rashford kudumu, hasa kwa kuzingatia uwezo wake wa kucheza kama namba 9.

Rashford mwenyewe amesema kuwa  “Nataka kucheza Barca kwa misimu mingi iwezekanavyo… tutaona itakuwaje kuhusu uhamisho wa kudumu. Kipaumbele changu ni kusaidia timu kwa njia yoyote.”

Kwa sasa, mtazamo wa Barça ni kumruhusu Rashford aendelee kuonyesha uwezo wake msimu mzima kabla ya kuchukua hatua rasmi kuhusu mustakabali wake.