TIMU YA UONGOZI WA CHELSEA ITAWASILI ZANZIBAR KUJADILI NAMNA YA KUKUZA UTALII
Baadhi ya wawakilishi wa timu ya Chelsea inayoshiriki Ligi Kuu nchini England wanatarajiwa kuwasili Tanzania Jumatano kwaajili yakukutana na viongozi wa serikali ya Tanzania Bara na Visiwani.
Kwa mujibu wa mratibu wa Chelsea hapa nchini, Mohamed Reza Saboor amesema msafara huoutawajumuisha meneja wabiashara, Carly Telford na Barnes Hempel, ambaye ni mkuu wa kitengo cha uuzaji.
Ameongeza kuwa lengo la msafara huoni kusaini makubaliano ya kutangaza masuala ya utalii na michezo hapa nchini.
Saboor amesema vigogo hao watakutana na Rais wa Zanzibar na Mwenyekiti wa Baraza la Mapinduzi, Dkt. Hussein Ali Mwinyi pia watakutana na Waziri wa Habari, Vijana, Utamaduni na Michezo wa Zanzibar Tabia Maulid Mwita.
Hata hivyo watafika Tanzania Bara kukutana na Waziri wa Utamaduni,Sanaa na Michezo, Damas Ndumbaro ambapo watajadili baadhi ya mambo kuhusiana na maendeleo ya michezo nchini.
You Might Also Like
-
Tangu kumalizika kwa michuano ya Euro ambapo kapteni huyu wa Ufaransa na timu yake waliishia nusu fainali, Mbappe hajacheza mechi yoyote ya kimashindano.
-
Fermin Lopez wa Barcelona alisawazisha katikati ya kipindi cha pili mjini Marseille baada ya kuuwahi mpira uliolegea kwenye eneo la hatari.
