SHIRIKISHO LA SOKA NCHINI SENEGAL (FSF) KUMUONGEZEA MKATABA KOCHA WA TAIFA ALIOU CISSÉ
Shirikisho la soka la Senegal (FSF) linataka kumuongeza mkataba Kocha Aliou Cissé hadi fainali za Kombe la Mataifa ya Afrika (AFCON) 2025 nchini Morocco.
Cissé ambaye amekuwa ofisini tangu Machi 2015, ndiye Kocha aliyekaa muda mrefu zaidi katika historia ya Senegal. Mkataba wake wa sasa unamalizika mwishoni mwa Agosti.
Licha ya kuondolewa kwa Senegal katika hatua ya 16 ya AFCON 2023, Rais wa FSF, Augustin Senghor, alisisitiza imani yake kwa Cissé.
Ikiwa Cissé ataongeza mkataba wake, atapata fursa ya kucheza AFCON yake ya 5 kama kocha wa Senegal. Pia atalenga kushinda AFCON yake ya pili akiwa na timu ya taifa baada ya ushindi wao mwaka wa 2021.
You Might Also Like
-
Tangu kumalizika kwa michuano ya Euro ambapo kapteni huyu wa Ufaransa na timu yake waliishia nusu fainali, Mbappe hajacheza mechi yoyote ya kimashindano.
-
Fermin Lopez wa Barcelona alisawazisha katikati ya kipindi cha pili mjini Marseille baada ya kuuwahi mpira uliolegea kwenye eneo la hatari.
