TV3 Tanzania - Game On

Serikali ya nchini Cameroon imempa Rais wa Shirikisho la Soka Nchini humo “FECAFOOT” Samuel Eto’o hadi mwisho wa wiki hii kukamilisha taratibu za kuwaajiri Kocha Marc Brys na Co kama wafanyakazi wa The Indomitable Lions, kuchukua nafasi ya Rigobert Song.

Maagizo hayo ni matokeo ya mkutano wa ndani ulioongozwa na Waziri Mkuu Dion Ngute mnamo Jumanne, Aprili 30 katika Jumba la Star Building.

Eto’o ametakiwa kuweka misingi ya uendeshaji mzuri wa kocha Brys na timu yake kuandaa ipasavyo mechi za kufuzu kwa Kombe la Dunia la FIFA 2026 dhidi ya Cape Verde Island na Angola zitakazofanyika mwezi Juni mwaka huu.

Serikali ya Cameroon kupitia kwa waziri wake mkuu na mkuu wa serikali Joseph Dion Ngute imeamuamuru Samuel Eto'o Fils wa Shirikisho la soka la nchi hiyo kukamilisha wajibu wake dhidi ya uajiri wa Marc Brys mpaka ifikapo Ijumaa hii ya Mei 3 mwaka huu.

Hatua hiyo kutoka kwa serikali inawakilisha juhudi zake za mwisho za kujiondoa katika hali mbaya ambayo imetawala tangu waziri wa Michezo wa Cameroon, profesa Narcisse Mouelle Kombi kumtambulisha Brys katika hafla iliyoonyeshwa kwenye televisheni bila ya uwepo wa Rais wa Shirikisho la Soka nchini humo Eto'o.

Kocha Brys aliteuliwa kuchukua nafasi ya Rigobert Song Bahanag mwezi Machi ambapo tangu agizo la Rais Paul Biya maarufu Septemba 2014 la kuongoza uendeshaji wa timu za taifa, FECAFOOT daima imekuwa ikipewa nafasi ya kupendekeza wafanyakazi wa timu ya taifa kwa serikali kwa kupitisha uchaguzi wao kwa wizara ya Michezo ambayo wanatathmini nayo na kupeleka urais kwa idhini au vinginevyo.

Lakini wakati huu, mapendekezo ya FECAFOOT ambayo yalijumuisha Herve Renard, Jose Peseiro na Fabio Cannavaro kama makocha wakuu wanaowezekana huku Thomas Nkono kama mkufunzi wa makipa na David Pagou kama msaidizi yote yalikataliwa na serikali.

Mbali na hayo hapo juu, wasiwasi kuhusu kuingiliwa kupita kiasi kwa Eto’o katika uendeshaji wa timu ya taifa uliongezeka wakati video ya rais wa FECAFOOT akisimamia mazoezi wakati wa Kombe la Mataifa ya Afrika (AFCON) 2023 ilipovuja kwenye mitandao ya kijamii. Kwa uelewa wetu serikali ilizingatia hili na kuchagua kumtaja kocha mwenye utu ambaye hatavumilia marudio ya matukio ya aina hiyo ambayo hayaheshimu chapa ya The Indomitable Lions.

Uamuzi huo wa serikali ulikuja wiki sita baada ya Rais Biya katika mawasiliano ya kawaida na vijana mnamo Februari 10 kutaja serikali ilikuwa inaweka rasilimali nyingi katika uendeshaji wa timu ya taifa lakini inahitajika kuwekeza katika mpangilio mzuri na nidhamu ikizingatia matukio katika AFCON ya mwisho nchini Ivory Coast.

Ni muhimu kutambua kuwa kulingana na agizo la rais la 2014, ni jukumu la FECAFOOT na serikali kulipa mshahara wa wafanyikazi wa timu ya taifa lakini katika miaka kumi iliyopita serikali imefanya hivyo kwa upande mmoja.

Kwa kuwa taasisi pekee inayolipa mishahara ya makocha, inaonekana ni jambo la busara kuafikiana na chaguo la bei nafuu na ambalo wana hakika litatumikia taaluma na kutoa matokeo kulingana na masilahi ya Wacameroon.

Ingawa wengine wamekuwa wepesi kusema matukio kuhusu kuajiriwa kwa kocha Brys yanaweza kufananishwa na kuingilia kati kwa serikali katika uendeshaji wa masuala ya soka na kufikia hatua ya kusema inaweza kuleta marufuku ya FIFA. 

Kocha Brys na msaidizi wake Joachim Mununga walitumia muda wa wiki mbili zilizopita barani Ulaya kufanya majadiliano kuhusu maono mapya huku naibu wake mwingine Ashu Bessong Cyprien na Francois Omam-Biyik wakifanya hivyo katika bara hilo na Cameroon mtawalia.

Cameroon kwa sasa ipo kileleni mwa kundi lao la kufuzu kwa Kombe la Dunia la FIFA 2026 mbele ya Libya, Kisiwa cha Mauritius, Eswatini ikiwa imevuna pointi nne katika michezo miwili.

Mtaalamu huyo wa Ubelgiji mwenye umri wa miaka 61 ambaye katika nafasi yake ya kwanza ya ukocha katika timu ya taifa amepewa jukumu la kufuzu kwa Cameroon kwa Kombe la Dunia la FIFA la 2026 na AFCON 2025 pamoja na mbio za heshima katika mashindano.

Katika hali nyingine, kocha huyo wa zamani wa EH Houven amechagua kuishi nchini Cameroon katika kipindi cha kandarasi yake ya miaka miwili na nusu kama mkufunzi mkuu wa Timu ya Taifa ya Cameroon.