MASHUJAA FC YAZAANZA KUPANDA KWENYE MSIMAMO LIGI KUU BARA
MASHUJAA FC ya Kigoma jioni ya leo imeendelea kuvuna pointi tatu katika mechi za Ligi Kuu Bara baada ya kuinyoosha JKT Tanzania kwa bao 1-0 kwenye Uwanja wa Lake Tanganyika ukiwa ni ushindi wa pili mfululizo za ligi hiyo.
Bao pekee la Mashujaa lililofungwa dakika ya saba lililowekwa kimiani na Balama Mapinduzi 'Kipenseli' limeifanya wageni hao wa Ligi Kuu Bara, kuchupa kutoka nafasi ya 14 hadi ya 11 ikifikisha pointi 21 baada ya mechi 19, huku JKT ikishuka kutoka nafasi ya 13 hadi ya 14 ikisaliwa na pointi 19.
Mashujaa iliyopanda Ligi Kuu msimu huu wikiendi iliyopita ilipata ushindi wa kwanza baada ya mechi tisa kwa kuifunga Namungo kwa bao 1-0 na kocha wa timu hiyo, Abdallah Mohammed 'Baresi', amesema mara baada ya mchezo huo kuwa wamefurahia matokeo na kuondoka na pointi tatu za ushindi na kuwapongeza vijana wake kwa kucheza vizuri na kufata maelekezo aliyowapatia.
Mechi ijayo kwa Mashujaa itakuwa ugenini kuvaana na Simba siku ya Machi 15, ikiwa na kumbukumbu ya kupoteza kwa bao 1-0 lililofungwa kwa Saido Ntibazonkiza kwenye mchezo wa kwanza ulippigwa Februari 3 ikiwa mjini hapa.
You Might Also Like
-
Tangu kumalizika kwa michuano ya Euro ambapo kapteni huyu wa Ufaransa na timu yake waliishia nusu fainali, Mbappe hajacheza mechi yoyote ya kimashindano.
-
Fermin Lopez wa Barcelona alisawazisha katikati ya kipindi cha pili mjini Marseille baada ya kuuwahi mpira uliolegea kwenye eneo la hatari.
