TV3 Tanzania - Game On

Afrika Kusini iliibuka na ushindi wa mabao 2-0 dhidi ya Ghana katika mchezo wa Kundi C uliochezwa kwenye Uwanja wa Stade d'Honneur mjini Oujda, siku ya Jumatatu saa 11 jioni kwa saa za huko, huku joto likifikia takriban nyuzi joto 34°C.

Katika mechi zao mbili zijazo za kundi hilo dhidi ya Tanzania siku ya Ijumaa na Mali siku ya Jumatatu, Banyana Banyana itacheza saa 2 usiku kwa saa za Morocco(saa 3 usiku kwa saa za Afrika Kusini), hali ambayo huenda ikawa baridi zaidi kwa wachezaji.

“Niliwahurumia timu zilizocheza saa 9 alasiri jana (Jumatatu). Kama hali ya hewa ilikuwa hivi saa 11 jioni, unaweza kufikiria ilikuwa namna gani saa 9 alasiri,” alisema Ellis, akionya kuwa mashindano haya hayawezi kumudu kupata matatizo ya kiafya kwa wachezaji au mtu yeyote kutokana na joto kali la kiangazi.

“Mapumziko ya kunywa maji yanasaidia kwa kiasi fulani, kwa sababu unapata muda wa kupata nguvu, maji, kuzungumza na kuwatoa wachezaji mawazo kwenye uchovu na kuwachochea kuendelea. Lakini ukweli ni kwamba, kulikuwa na joto kali sana uwanjani,” aliongeza.