KIERAN MCKENNA AJITOA KWENYE USHINDANI WA KUWANIA NAFASI YA KUWA MENEJA WA CHELSEA
Mkufunzi wa Ipswich Town Kieran McKenna hayupo tena kwenye ushindani wa kuwa meneja ajaye wa Klabu ya Chelsea.
McKenna 38 alikuwa kwenye orodha ya mapema ya wagombea kuchukua nafasi ya Mauricio Pochettino baada ya kuondoka klabuni hapo kwa makubaliano wiki iliyopita.
Wagombea wakuu waliosalia ni meneja wa zamani wa Brighton Roberto de Zerbi, Enzo Maresca wa Leicester na Thomas Frank wa Brentford.
McKenna ambaye aliwahi kuwa Kocha msaidizi wa Manchester United aliiongoza Ipswich kupandishwa daraja kutoka Ubingwa, bado anahusishwa na kurejea Old Trafford ikiwa mabingwa hao wa Kombe la FA watamfukuza Erik ten Hag, pamoja na Brighton ambaye hana meneja.
Ipswich wanataka kuendelea kumshikilia McKenna na wanatarajiwa kumpa mkataba mpya ingawa kuna uwezekano mkubwa wa kuongeza mkataba wake huku akiwa na kandarasi ya Ipswich hadi 2027 na klabu yoyote itahitaji kulipa angalau fidia ya £4m.
De Zerbi na Maresca wana nia ya kutaka kuhamia Stamford Bridge lakini bado haijafahamika kuhusu aina ya mazungumzo na Frank, ambaye pia amekuwa akihusishwa na United.
Chelsea wanatarajia kuteua Kocha wiki ijayo lakini itakuwa chini ya mazungumzo kuhusu ada ya fidia kwa klabu ya sasa ya meneja huyo.
You Might Also Like
-
Tangu kumalizika kwa michuano ya Euro ambapo kapteni huyu wa Ufaransa na timu yake waliishia nusu fainali, Mbappe hajacheza mechi yoyote ya kimashindano.
-
Fermin Lopez wa Barcelona alisawazisha katikati ya kipindi cha pili mjini Marseille baada ya kuuwahi mpira uliolegea kwenye eneo la hatari.
