JESCA MFINANGA PAMOJA NA EGINE KAYANGE WAELEKEA NCHINI AFRIKA KUSINI KWAAJILI YA KUWANIA MKANDA WA UBINGWA AFRIKA
Jesca Mfinanga na Egine Kayange, wameondoka nchini asubuhi ya leo Alhamisi kwenda Afrika Kusini kwa ajili ya pambano tofauti.
Wakiwa Afrika Kusini, Jesca anatarajia kucheza pambano kuu la kuwania Mkanda wa Ubingwa wa Afrika dhidi ya Simangele Hadebe raia wa nchi hiyo.
Jesca mwenye umri wa miaka 25 ana rekodi ya kucheza mapambano manane, akishinda matano likiwamo moja la KO, kupoteza mawili bila ya kupigwa KO bna pambano moja kumalizika kwa sar, huku mpinzani wake Simangele ana rekodi ya kucheza mapambano 18, akishinda 13 kupoteza matatu na kutoka sare mbili.
Katika mapambano hayo 13, Msauzi huyo ameshinda manne kwa KO, huku akipoteza moja tu kwa KO kati michezo mitatu aliyopigwa, kitu kinachoonyesha pambano dhidi ya Jesca litakuwa ngumu kwa pande zote mbili, japo Mtanzania ametamba anataka ubingwa wa Afrika.
Kwa upande wa Egine, atapanda ulingoni katika pambano la utangulizi dhidi ya Monica Mukandla kutoka Zimbabwe.
Mapambano hayo yanatarajiwa kupigwa Jumamosi ya Juni 22 kwenye Ukumbi wa Klip Livierbeg Creation Centre nchini humo.
You Might Also Like
-
Kikao hicho kimehudhuriwa pia Naibu Katibu wa Wizara ya Utamaduni, Sanaa na Michezo, Dkt. Suleiman Serera, Wakurugenzi wa Idara na Vitengo vya Wizara ya Utamaduni, Sanaa na Michezo
-
chess humfanya ajisikie "vizuri" na humsaidia "vitu vingine vingi kama hesabu na jinsi ya kuhesabu".
