CAF KUTOA UAMUZI SAKATA LA USM ALGER NA RS BERKANE
Wakati Shirikisho la Mpira wa Miguu Afrika (Caf) likisubiriwa kutoa uamuzi wa mechi iliyoshindwa kuchezwa ya nusu fainali ya Kombe la Shirikisho Afrika kati ya USM Alger na RS Berkane, kanuni za mashindano hayo huenda zikaiumiza USM Alger iliyokuwa mwenyeji wa mechi hiyo.
Mechi hiyo iliyopangwa kuchezwa Aprili 21, haikufanyika baada ya RS Berkane kugomea kufuatia kitendo cha kuzuiliwa kutumika kwa jezi zao zilizokuwa na ramani na bendera ya nchi yao ya Morocco.
Serikali ya Algeria iliwazuia Berkane kutumia jezi hizo na kuwalazimisha kuzitumia nyingine ambazo hazikuwa na bendera wala ramani ya Morocco jambo lililosababisha mechi hiyo kutofanyika baada ya wageni kukataa kuzitumia.
Kanuni ya 11 ya mashindano hayo ibara ya tatu, inafafanua kuwa mchezo ambao utavunjika kutokana na vitendo vya usumbufu kwa wageni, timu mwenyeji itahesabika kupoteza mechi na itaondolewa mashindanoni.
"Kama refa atalazimika kusimamisha mechi kabla ya kumalizika kwa muda wake wa kawaida kwa sababu ya uvamizi wa eneo la kuchezea au vurugu dhidi ya timu mgeni, timu mwenyeji itapoteza mchezo na kuondolewa mashindanoni," inafafanua kanuni hiyo.
You Might Also Like
-
Tangu kumalizika kwa michuano ya Euro ambapo kapteni huyu wa Ufaransa na timu yake waliishia nusu fainali, Mbappe hajacheza mechi yoyote ya kimashindano.
-
Fermin Lopez wa Barcelona alisawazisha katikati ya kipindi cha pili mjini Marseille baada ya kuuwahi mpira uliolegea kwenye eneo la hatari.
